Belangrike vaardighede vir loopbane in wildbestuur en toerisme

As jy daaroor droom om met wilde diere te werk, is hierdie Praktiese Wildbestuurkursus ’n vinnige manier om jou te help om jou loopbaan in die industrie af te skop. 

 

Tydens die kursus sal jy belangrike praktiese vaardighede ontwikkel in ’n groot verskeidenheid velde – van reservaatbestuur, eko-toerisme en teenstropery, tot wildbewaring, lodge-logistieke en die basiese vaardighede van ’n veldgids. Jy sal leef en leer op kampus in die hartjie van die bos met toegang tot ’n pragtige Groot Vyf-reservaat.

 

Geen dag is dieselfde nie. Onder leiding van Bushwise se top-instrukteurs sal jy alles leer – van Groot Vyf-bewaringsinisiatiewe saam met veeartse, sekuriteit, 4X4-bestuur, wapenhantering en wildbestuur tot hoe om ‘n servet ordentlik te vou!

 

As jy binnekort klaar maak met skool, tans studeer, of desperaat is om jou kantoor te ruil vir ‘n loopbaan in die buitelug, sal hierdie kursus vir jou lekker breë blootstelling gee aan verskillende beroepe in die bedryf. 

 

Rol jou moue op, kry nuwe vaardighede, bou  jou CV en vind uit wat jou toekoms inhou!

 

En die beste van alles? Jy het geen akademiese sertifikate of puntestate nodig om in te skryf nie - slegs ’n lekker positiewe houding en ’n passie vir die natuur!  

​

​

Hoekom moet jy wildbestuur by Bushwise studeer?

Die vinnigste roete tot ’n wilde loopbaan

Hierdie is jou vinnigste manier om ’n werk los te slaan in die bedryf! Kry jou kwalifikasie binne slegs ses maande – en, as jy praktiese ervaring wil kry, kan jy vir nog ses maande geplaas word in ’n werk. 

 

Ons is so oortuig dat jy ’n werk sal kry na jou kursus, dat as jy nie ’n werksaanbod binne 12 maande kry nie, ons tot 50% van jou fooie sal terugbetaal.*

 

Praktiese opleiding in die bos

As jy daarvan hou om in ’n kantoor agter ’n lessenaar te sit en werk, is hierdie kursus heel waarskynlik nie vir jou nie. 

​

Tydens die kursus sal jy elke dag in die buitelug leer en werk, sodat jy die praktiese vaardighede kan ontwikkel wat nodig is om ’n wildsplaas te bestuur. Jy sal leer hoe om strikkameras op te stel, hoe om heinings te span en meer. 

​

Dis fisies. Dis uitdagend. Dis hope pret! 
 

​

 ’n Wye spektrum vaardighede

As jy met wilde diere wil werk, maar jy is nie heeltemal seker watter werk jou die beste sal pas nie, is hierdie kursus ’n goeie manier om uit te vind.

​

Beleef al die verskillende aspekte van wildbestuur en ontdek waarvan jy die meeste hou en watter aspek jou die beste pas.
 

​

’n Onvergeetlike avontuur

By Bushwise, werk ons hard, maar ons speel selfs harder!

​

Op die kursus sal jy natuurliefhebbers soos jy van regoor die land ontmoet, onder die sterre slaap en nuwe vriende maak. 

​

Elke dag bring nuwe avonture. Is jy reg vir die uitdaging van ’n leeftyd?
 

​

​

Wat’s die verskil tussen ’n veldgids, reservaatbestuurder en wildbewaarder?

In verskillende industrieë word hierdie terme los-en-vas gebruik, maar elkeen verwys eintlik na totale unieke beroepe. Hier is ’n vinnige verduideliking:

 

Veldgids / Safarigids: Hierdie twee terme is dieselfde en verwys na opgeleide werkeers wat gaste op wildsritte en wild-staptogte neem. Hulle is natuurkenners en kan wilde diere se gedrag interpreteer en verduidelik, hulle kan die omgewing lees en oorvertel en ondersteun bewaringsprojekte. 

 

Hulle is uitstekend daarmee om stories te vertel, en hulle fokus is gemik op die gaste se ervaring, veiligheid en opleiding. In Suid-Afrika, moet jy ’n CATHSSETA Nature Site guide (NQF2)-kwalifikasie ontvang om te kan werk as ‘n veldgids. En in hierdie kursus, sal jy werk om die kwalifikasie te kry.

 

Wildbewaarder / Reservaatbesturder: Hierdie is beroepe  wat meer agter die skerms werk. Wildbewaarders bestuur die omgewing en wilde diere op die reservaat en help met take soos habitatbestuur, heining-herstelwerk, pad-instandhouding, teenstropery, wildtellings en bewaringsprojekte. Hulle werk gewoonlik nie direk met gaste nie, maar hulle speel ’n groot rol om seker te maak die reservaat word goed bestuur!

Professionale Safari / Toerisme-besturders: Hierdie is wyer terme wat beide veldgidse en reservaatbestuurs kan insluit, sowel as gasvryheidsbedryfrolle soos lodge-bestuurders of gaste-interaksies.

 

Die Praktiese Wilbestuurkursus is ontwerp om vir jou blootstelling te gee aan al hierdie verskillende sektore en beroepe, sodat jy kan uitvind watter werk jou die beste sal pas. Wie weet? Dalk wil jy gaste uitvat op wildsritte, of eerder verantwoordelik wees vir die instandhouding van die plaas – wat ook al jou passie is, jy sal dit hier ontdek!

​

​

Meer oor die kursus

Is jy reg vir een van die mees praktiese, intensiewe, avontuurbelaaide kursusse van jou lewe? 

 

Die Praktiese Wildbestuurkursus sal jou voorberei vir regte werke in reservaatbestuur, eko-toerisme, teenstropery en bewaringsprojekte. Jy sal al die verskillende aspekte van wildbestuur beleef en ontdek waarvan jy die meeste hou en uitvind watter aspek jou die beste pas. 

​

Afhangende van die gebeurtenisse op kampus, kan aktiwiteite insluit:

• 4x4-bestuur

• Beheerde veldbrande

• Bewaringsinisiatiewe

• Teenstropery met K9-honde

• Veldgidskennis

• Wapenhantering

• Stapgidsvaardighede

• Wildtellings

• Veldbestuur

• Habitatbestuur

• Erosiebestuur

en vele meer!

 

As jy die 12-maande-opsie kies, sal die tweede helfte van jou kursus ’n ses-maande werksplasing wees waar jy by ‘n reservaat of toerismebedryf sal werk. Dit is ’n wonderlike geleentheid om praktiese werkservaring te kry, te sien hoe dit werklik is in die bedryf, en jou CV te verbeter.

​

​

Hoekom Bushwise?

Bushwise is al vir bykans 20 jaar ’n baanbreker in die bedryf met ’n missie om kwaliteit, etiese opleiding aan gidse te bied. 

 

Oor die jare het Bushwise ’n reputasie opgebou as een van die beste opleidingsinstansies in Suid-Afrika wat top gidse oplewer wat nie net uitstekend in hul werk is nie, maar wat ook passievoel is oor natuurbewaring.

​